အချစ်ရဲ့အစ

ယောက္ခမကို မိဘရင်းသဖွယ် အင်မတန်ချစ်မြတ်နိုးပြီး သူတို့ရဲ့လိုအပ်ချက်တွေကိုဖြည့်ဆည်းပေးဖို့ အရာအားလုံးကို စတေးခဲ့တဲ့ ပါလာဗီလို့ခေါ်တဲ့ အလုပ်ကြိုးစားတဲ့ မုဆိုးမလေးအကြောင်းပဲဖြစ်ပါတယ်။ မုဆိုးမပါလာဗီက သူ့ယောက္ခမများ မှီခိုအားထားနေရတဲ့သူဖြစ်ပြီး စီးပွားရေးလုပ်ငန်းရှင်ရာဂါဗ်ကတော့ အများအမြင်မှာ အကြင်နာကင်းမဲ့ပြီး ရက်စက်တဲ့ လူတစ်ယောက်ဖြစ်ပါတယ်။ ပါလာဗီက ငယ်ငယ်ရွယ်ရွယ်နဲ့ မုဆိုးမဖြစ်သွားချိန်မှာ ရာဂါဗ်တစ်ယောက်ကတော့ အချစ်ရဲ့လှည့်စားခြင်းတွေကို ခံခဲ့ရတယ်။ အဲဒါကြောင့် ရာဂါဗ်က အချစ်ကို လုံးဝအယုံအကြည်မရှိတော့ဘဲ ကစားဖို့အတွက်သာ အသုံးချခဲ့ပါတယ်။ ပါလာဗီကလည်း သူ့ရင်ထဲက စိတ်ဒဏ်ရာတွေက လောလောလတ်လတ်ရှိနေသေးတဲ့အတွက် အချစ်ကိုမေ့ထားခဲ့ပါတယ်။ သူနဲ့ ရာဂါဗ်က မလှပတဲ့ အကြောင်းရင်းတစ်ခုနဲ့ တွေ့ဆုံခဲ့ကြတဲ့အတွက် သူတို့နှစ်ယောက်က တစ်ယောက်ကိုတစ်ယောက် တစ်စက်လေးမှ ကြည့်လို့မရကြပါဘူး။