မြန်မာနိုင်ငံရဲ့ ပထမဦးဆုံး အကြီးကျယ်ဆုံးနဲ့အခမ်းနားဆုံး Fitness Reality TV Program ဖြစ်တဲ့ Fittest On Earth - FOE ပြိုင်ပွဲကြီးမှာ ကိုယ်ကာယကို အားပြုပြီးကစားရတဲ့ ကစားနည်းတွေအပြင် ဖြတ်ထိုးဉာဏ်ကို အသုံးပြုပြီး ယှဉ်ပြိုင်ဖြတ်ကျော်ရမယ့် Challenges တွေ အများကြီး ပါဝင်လာမှာ ဖြစ်ပါတယ်။ FOE မှာ ပါဝင်ယှဉ်ပြိုင်ကြမယ့် ပြိုင်ပွဲဝင်တွေဟာဆိုရင်လည်း ကြံ့ခိုင်မှုအားပြုကစားတဲ့ နယ်ပယ်အသီးသီးက အောင်မြင်ကျော်ကြားတဲ့ လက်ရွေးစင် အားကစားသမားတွေ၊ အနုပညာရှင်တွေ၊ Fitness Coach တွေ၊ Influencers တွေနဲ့ Fitness ပိုင်းကို ခုံမင်စွာနဲ့ တစိုက်မတ်မတ် လေ့ကျင့်နေကြသူတွေ ပါဝင်ယှဉ်ပြိုင်သွားကြမှာဖြစ်ပါတယ်။ နယ်ပယ်အသီးသီးမှာ အောင်မြင်ကျော်ကြားနေကြသူတွေ အကြိတ်အနယ် ယှဉ်ပြိုင်သွားကြမယ့် FOE ပြိုင်ပွဲကြီးမှာ Winner ဆုကြီးကို ဆွတ်ခူးမယ့်သူက ငွေကျပ်သိန်း(၅၀၀)တိတိအပြင် ရွှေသားစစ်စစ်နဲ့ပြုလုပ်ထားတဲ့ ရွှေခါးပတ်နှင့် အခြားတန်ဖိုးကြီးဆုများစွာကို ရရှိပိုင်ဆိုင်နိုင်မှာဖြစ်ပါတယ်...နိုင်ငံတကာအဆင့်မီ အားကစားပြိုင်ပွဲတစ်ခုဖြစ်တဲ့ FOE ပြိုင်ပွဲကြီးကို ဇန်နဝါရီလ (၂၈) ရက်ကစပြီး အပတ်စဉ်၊ တနင်္ဂနွေနေ့တိုင်း၊ ည (၈) နာရီမှာ Channel 7 ရုပ်သံလိုင်းမှာ ထုတ်လွှင့်ပြသပေးသွားမှာဖြစ်လို့ စောင့်မျှော်ကြည့်ရှုအားပေးနိုင်ပါပြီ။