ဂင်မင်ဂျီဆိုသည့် မိန်းကလေးအား အကြမ်းဖက်ရိုက်နှက်သူမှာ ကိုရီးယားနိုင်ငံ၏ ထိပ်တန်းလုပ်ငန်းစုဖြစ်သည့် TJ လုပ်ငန်းစု၏ ဒုဥက္ကဌ ချွန်းဆန်းဝူဆိုသူဖြစ်သည်။ ချွန်းဆန်းဝူမှာ အသိစိတ်လွတ်ကာ ခြေလွန်လက်လွန်ဖြစ်ပြီးကာမှ ယောက်ဖဖြစ်သူ TJ လုပ်ငန်းစု၏ ဥပဒေရေးရာဌာန အဖွဲ့မှူး ဝူထယ်ဟိုအား နောက်ကြောင်းရှင်းခိုင်းခဲ့သည်။ ဝူထယ်ဟိုမှာ TJ လုပ်ငန်းစု ဥက္ကဌကြီးချွန်းဆောင်းဒယ်၏သမီး ဒါရိုက်တာ ချွန်းနာနာနှင့် လက်ထပ်ထားသူဖြစ်သည်။ ထိုအမှုအား ဆိုးလ်ဗဟိုစုံစမ်းစစ်ဆေးရေးဌာနမှဖြစ်ကာ စုံထောက်အိုဂျီယော့မှ မရမက စုံစမ်းစစ်ဆေးတော့သည်။ ဝူထယ်ဟိုနှင့် စုံစမ်းစစ်ဆေးရေးဌာနမှ အဖွဲ့မှူး ချွဲယုံးဂွန်း ပူးပေါင်းပြီး အိုဂျီယော့အား ဆေးမှုဖြင့်စွပ်စွဲချောက်ချကာ ထိုအမှုအားလက်လျော့စေခဲ့တော့သည်။ နှစ်နှစ်ခန့်အကြာတွင် အိုဂျီယော့မှာ အင်ချွန်း အနောက်ပိုင်းရဲစခန်းအကြမ်းဖက်တိုက်ဖျက်ရေး အဖွဲ့(၂) တွင် တာဝန်ထမ်းဆောင်လျက်ရှိကာ အမှုများကို ဖော်ထုတ်လျက်ရှိသည်။ ဆိုးလ်တွင် ဂါဝန်အဖြူ ကွင်းဆက်လူသတ်မှုများ ဖြစ်ပွားနေချိန် ဂျင်စင်းသူခိုး ဂင်ယောင်းဘို့ အဖမ်းခံရသည့်နေရာတွင် ဂါဝန်အဖြူဖြင့်သေနေသည့်မိန်းကလေးအလောင်းရှိနေခဲ့သည့်အပြင် အခင်းဖြစ်သည့်နေရာနားတွင် ဂင်ယောင်းဘို့ပြုတ်ကျခဲ့သည့် ကြယ်သီးကို တွေ့ရှိခဲ့ရသဖြင့် နေရင်းထိုင်ရင်း ဂင်ယောင်းဘို့မှာ လူသတ်တရားခံအဖြစ်သို့ ရောက်ရှိသွားခဲ့ရပြန်သည်။ ဂင်ယောင်းဘို့မှာ လူသတ်တရားခံမဟုတ်မှန်းသိထားသည့် အကြမ်းဖက်တိုက်ဖျက်ရေး အဖွဲ့(၂)မှာ တရားခံအစစ်ကို ရှာဖွေခဲ့ကြတော့သည်။