ရုပ်ရှင်မင်းသားရူးလီဂျွန်ဂီ ဒါရိုက်တာရူးဂန်းဒုံဂူ နဲ့ စာရေးဆရာရူးဘုံဒူရှစ်တို့ သူငယ်ချင်းသုံးဦးဟာ ဝိုင်ခီခီဆိုတဲ့ဧည့်ဂေဟာလေးကို စပ်တူဖွင့်ထားကြသူများဖြစ်ပါတယ်...သူတို့သုံးဦးလုံးရဲ့အိပ်မက်ကတော့ နိုင်ငံတကာကိုထိုးဖောက်နိုင်တဲ့ ကိုယ်ပိုင်ရုပ်ရှင်ကားတစ်ကားဖန်တီးကာ ကန်နက်စ်ရုပ်ရှင်ပွဲတော်ကို တက်ရောက်ခွင့်ရဖို့ပဲဖြစ်ပါတယ်...ဒါပေမယ့်တကယ်တမ်းလက်တွေ့မှာတော့ အထင်နဲ့အမြင် တက်တက်စင်အောင်လွဲချော်ခဲ့ပါတယ်...လာရောက်တည်းခိုမယ့်ဧည့်သည်မရှိတာကြောင့် ရုပ်ရှင်ရိုက်ကူးရေးစရိတ်ရဖို့နေနေသာသာ အကြွေးတွေပိကာ ထမင်းတောင်နပ်မမှန်တဲ့အခြေအနေကိုရောက်ရှိနေခဲ့ပါတယ်...ဆိုင်ခန်းခတောင်မပေးနိုင်တော့တာကြောင့်မကြာခင်ဆိုင်ပိတ်ရတော့မယ့်အခြေအနေဖြစ်နေချိန်မှာဘယ်ကမှန်းမသိတဲ့ကလေးတစ်ယောက်ဧည့်ဂေဟာထဲရောက်နေတာတွေ့လိုက်ရပါတော့တယ်...ဒီဇာတ်လမ်းလေးဟာဖြစ်လေ့ဖြစ်ထရှိတဲ့နေ့စဉ်အလွဲလေးတွေကိုရယ်မောပျော်ရွှင်ဖွယ် ရိုက်ကူးတင်ဆက်ထားတာကြောင့် လက်မလွှတ်သင့်တဲ့အချစ်ဟာသဇာတ်လမ်းကောင်းလေးတစ်ပုဒ်ဖြစ်ပါတယ်...