ပီတိချို ၊ ရွှေစင် ၊ ဆုဆုစံ နှင့် ယမင်းတို့သည် Eden Garden Group ဆိုသော အောင်သွယ်တော်ကုမ္ပဏီတစ်ခုတွင် တာဝန်အသီးသီးထမ်းဆောင်နေကြသော ချစ်သူရည်းစားများမရှိကြသည့် ဝန်ထမ်းများ ဖြစ်ကြသည်။ ပီတိချို သည် Event ပိုင်းကို တာဝန်ယူထားပြီး အလှအပကိုအလွန်မက်မောကာ အဆောင်အယောင်ပကာသနများကို ခုံမင်နှစ်သက်သော Beauty Blogger တစ်ယောက်လည်းဖြစ်သည်။ ရွှေစင်သည် စုံတွဲများအတွက် Service ပေးရသော အပိုင်းကို တာဝန်ယူထားပြီး အေးဆေးတည်ငြိမ်ကာ အလွန်ရှက်တတ်သော မိန်းကလေးတစ်ယောက် ဖြစ်သည်။ ဆုဆုစံသည် Online Application ပိုင်းကိုတာဝန်ယူပြီး သွက်သွက်လက်လက်နှင့် ချစ်စရာကောင်းသော မိန်းကလေးတစ်ယောက်ဖြစ်သည်။ ယမင်းသည် ငွေရေးကြေးရေးအပိုင်းကို တာဝန်ယူထားရသော အပျိုကြီးတစ်ယောက်ဖြစ်သည်။ ငြိမ်းလူ၏ မိဘများသည်‌ငွေကြေးချမ်းသာကြွယ်ဝပြီး မိဘလက်ငုတ်လက်ရင်းလုပ်ငန်းများကို လုပ်ကိုင်စေချင်သော်လည်း ငြိမ်းလူ ဝါသနာပါသည့် အနုပညာလုပ်ငန်းကိုသာ ဆက်လုပ်လိုသောကြောင့် မိဘများမသိအောင် အိမ်မှ ထွက်ပြေးခဲ့သည်။ ထူးခန့်သော် သည် ငြိမ်းလူနှင့် သူငယ်ချင်းဖြစ်ပြီး ဟိုတယ်လုပ်ငန်းကို ဦးစီးလုပ်ကိုင်နေသော လုပ်ငန်းရှင် တစ်ယောက်ဖြစ်သည်။ ဝေလျှံသည် Eden Garden Group တွင် အလုပ်လုပ်ကိုင်နေသော ဝန်ထမ်းတစ်ဦးဖြစ်ပြီး ဆုဆုစံ နှင့် ငယ်သူငယ်ချင်းများဖြစ်ကြသည်။ တစ်နေ့တွင် Eden Garden Group ပိုင်ရှင် ဦးမောင်မောင်သည် Eden Garden Group လုပ်ငန်းပိုမိုကျွမ်းကျင်စေရန်အတွက် ချစ်သူမရှိသော ဝန်ထမ်းများကို ချစ်သူရည်းစားထားရန် တိုက်တွန်းလိုက်သည်။ အရင်ဆုံး ချစ်သူရည်းစားရပါက ဆုငွေနှင့် မင်္ဂလာဆောင်စရိတ်ကို ပေးမည်ဟု ကြော်ငြာလိုက်သည်။